اربعه عيوب لمارش اعرفهم لو عربيتك بطلت منك او بتقطع


عندى سؤال العربيه لما بدورها الصبح بتدور معايا علطول ولا فى اى حاجه وزى الفل طيب لو روحت مشوار وبطلت العربيه وجيت مثلا بعد شويه كدة علشان ادور تانى بحس انها بتدور بالعافيه بتبقى تقيله فالدوران العيب هنا فين بقه؟

الحل 
—–1—– فى بعض العربيات بيكون العيب مختلف وبنفس العطل —————

ان الأوتوماتيك بتاع المارش بايظ ودا بتشيك عليه
واتوماتيك لما تبطل انسي تصبر عليها لحد ما تبرد خالص وبعدين تدور

وتعمل وصلة مباشرة من البطارية للمارش وتجرب تدور بيها لما المشكلة دى تحصل عن طريق انك تفتح الكونتاكت على وضع التشغيل العادى وتلمس الوصلة فى البطارية وتشوف المارش هيدور العربية وللا لأ

لو العربية دارت بالطريقة دى يبقى انت محتاج كتاوت مارش

لو مدارتش يبقى المارش ضعيف وفى هذة الحالة انت محتاج إما إنك تكشف على المارش وتصلحه( بوبينة، شربونات، جلب الخ) او انك تجيب مارش تانى

والمشارش لو سليم والترس اللي بيوصل المارش بالفلام (البندكس) سليم وبطاريتك كويسه يبقي المشكله يا استاذ في المبينه بتاعه الكهرباء

.

—-2—– لو دا سليم فى عيب بعيد عن المارش خالص ———–

العيب من الفبره بتاعت الكونتاكت غيرها وبتكلف حوالي 60 ج
وعلشان تتاكد من كده لابد من تجربة المارش بعيدا عن المفتاح

يعنى وصله مباشره من البطاريه وهى بسيطه جدا لو انت عندك بعض الخبره ممكن بمفك تعملها

هتلاقى طرفين كهرباء فى المارش احدهما قادم من البطاريه (كابل سميك )

وهتلاقى كلبس صغير متوصل بسلكه عاديه قادمه من الكونتاكت

قم بتوصيل المفك بين طرف نهاية الكابل من ناحية المارش والكلبسه بتكون غالبا بجواره

او توصيل قطعة سلك من القطب الموجب للبطاريه للكلبسه فى المارش

اذا دارت السياره يبقى المشكله فى الكونتاكت

اما اذا لم تدور يبقى مشكلتك اكيد فى المارش نفسه ونشوف العيب التالت

.حل …3…

لو العربية الصبح بتكون بارده تمام …
تيجى تدور عادى جدا لية…..
لان المارش بارد عندك لما العربية بتسخن المارش بيسخن تمام ….
تيجة تبطل وتدور بعدها ب10 دقايق تدور وتعض معاك بالعافية ….
دا كهربائى تفكه …
تغير للمرش للجلبة النحاس ف المخرطة ب 15 ج …
وطقم شربون ومخدات …
دا احتمال رقم واحد …
ممكن لو سبتها مثلا بالساعات وبردت بدور ولا لا …
لو لا يبقى البوجيهات مكربنه جامد جدا ومبتديش الشغله اللى بتدورها اللى بعد فتره ….

حل —-4——- لو العربية قطعت كونتاكت تماما بس كانت بتجيب مارش عادي و مرة في كونتكات ومفيش مارش ومرة في مارش ومفيش كونتكات
كده المشكلة في الطبلة بنسبة كبيرة
اااواحتمال تكون في التوصيلات اللي خارجة من الكونتاكت ممكن تلقى المشكلة في الكابلات اللي طالعة من الطبلة إنها في جزء منها سايحة وبتلمس وفيها رطوبة وبتهرب كهرباء وحالتها طين فلحمها
ممكن تواصل عبر الجروب الخاص بالصفحه لحل المشكلات الخفيفه

https://www.facebook.com/groups/207087199665428

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s